2019 жылдың 28 желтоқсаны Қазақстан Республикасында жалпы ұлттық аза тұту күні деп жарияланды
Бостандық ауданы
әкімінің аппараты
Алматы қаласы Бостандық ауданы әкімі
аппаратының интернет-ресурсына қош келдіңіздер!
Жаңалықтар ЖАҢАЛЫҚТАР

19.05.2020

Алматыда 2020 жылғы 25 мамырдан бастап қандай мекемелер жұмысын бастайды


Алматыда 25 мамырдан бастап, алаңы 500 шаршы метрден астам 138 сауда нысандарының жұмысына қойылған шектеулерді алу жоспарланып отыр.

Жекелей алғанда, СҮ, СО, СОО аумағында орналасқан азық-түліктік емес бутиктер, сән салондары, химиялық тазалау және мейрамханалар жұмыстарын бастайды.

Сауда нысандарының жұмыстарына сағат 23:00-ге дейін рұқсат берілетін болады. СҮ, СО және СОО аумағында орналасқан фуд-корттарды ашу келесі – 2-ші кезең шеңберіне, СПА, фитнес-орталықтарын және ойын-сауық нысандарын ашу – 3-ші кезең шеңберіне жоспарланып отыр. Олардың ашылу күні қаладағы эпидемиологиялық жағдайға байланысты болады және қосымша хабарланады.

Қоғамдық тамақтандыру нысандарына келетін болсақ, 25 мамырдан бастап, қоғамдық тамақтандыру нысандарының жазғы алаңдарын қоса алғанда, жалпы саны шамамен 27 мың адамды құрайтын 3100 кәсіпорын жұмысын бастайды. Олардың жұмысының негізгі шарты көрші столдағы отырған келушілердің ара-қашықтығының кемінде 2 метр болуын қамтамасыз ету және 1 столға 4 адамнан, бір отбасының мүшелерін айтпағанда, отырғызу болып табылады. Қоғамдық тамақтандыру нысандарының жұмысы сағат 23:00-ге дейін рұқсат етіледі. Бірінші кезеңде банкеттер мен салтанатты тойлар өткізуге тыйым салынады. Сондай-ақ, аталған кезеңде қоғамдық тамақтандыру нысандарының аумағында жұмыс істейтін караоке, бильярд және көңіл көтеретін мекемелердің жұмыстарына тыйым салынады. Кальян жұмысына карантиннің бүкіл кезеңінде тыйым салынады.

Сондай-ақ, 25 мамырдан бастап, 5 мыңнан астам жалпы жұмысшылар санымен 393 қонақүйлері (хостелдерді қоспағанда) жұмысын бастауды жоспарлап отыр. Бұл кезеңде, 25 мамырдан бастап, оларға қонақ бөлмелерін беруге және өзінің аумағында мейрамханалар ашуға рұқсат беріледі. Бұл ретте, қонақүйдегі мейрамханаларға қоғамдық тамақтандыру нысандарына қойылған талаптар қойылады. СПА, бассейндер және тренажер залдарын ашу күні қаладағы эпидемиологиялық жағдайларға байланысты болады және қосымша хабарланады.

Осылайша, 25 мамырдан бастап, қалада 84,2 мың адамды жұмыспен қамти отырып, барлығы 3631 кәсіпорынды іске қосу жоспарланып отыр.

Мегаполисте бұрынғыша карантин шараларының жалғасып отырғанын назарға ала отырып, сауда, қоғамдық тамақтандыру, сондай-ақ қонақүй нысандарының жұмысы барлық санитариялық-эпидемиологиялық талаптар сақталған жағдайда мүмкін болады. Сонымен бірге, Алматыда алаңы 2000 шаршы метрден астам ірі сауда нысандарын (мегаполисте мұндай нысандар барлығы 64), міндетті нысандардың дайындылығының бағалауын өткізгеннен кейін ғана ашу мүмкін болады. Аудит өткізуге берілетін тапсырыс күн сайын call-centre (+7 775 882 55 39, +7 775 882 57 08, +7 775 882 55 46, +7 775 882 54 16, +7 775 882 56 02, +7 775 882 53 12, + 7 775 882 56 49, +7 775 882 52 00, +7 775 882 56 72, +7 775 882 53 92) сондай-ақ электрондық info_onlinetrade@mail.kz пошта арқылы қабылданады.

Қалған сауда, қоғамдық тамақтандыру және қонақүй нысандарына қойылған шектеулерді дайындық бағалауын өткізбей-ақ, келесі алгоритмнен: бірінші – Алматы қаласының бас мемлекеттік санитариялық дәрігерінің infoalmaty.kz сайтындағы қаулысының ережелерімен танысу, екінші – нысанның ереже талаптарына сәйкес дайындығы, оның қатарында міндетті әлеуметтік қашықтық, жұмыс орындарындағы қатаң санитариялық режім және т.б. өткен жағдайда алу мүмкін болады. Дайындық үдерісі аяқталғаннан кейін – infoalmaty.kz сайтына тіркеледі және нысан ереженің талаптарына сәйкес, дайын екенін растайды, сондай-ақ кәсіпорындарда электрондық цифрлық қол қойылған хабарламаға қол қою арқылы бекітілген нормалардың сақталуына кепілдік береді.  

Жұмыс орындарына тікелей қажетті жұмысшылар санын аталған ұйымдардың басшылары өздері белгілейді.

Қызметіне рұқсат берілген ұйымдардың облыста тұратын қызметкерлеріне қалаға кіруге және шығуға рұқсат беріледі. Қалаға кірудің міндетті шарты қызметкерлердің деректерін infoalmaty.kz базасына енгізу болып табылады. Тіркеу нысандар жұмысқа рұқсат алғаннан кейін мүмкін болады.

19.05.2020