2019 жылдың 28 желтоқсаны Қазақстан Республикасында жалпы ұлттық аза тұту күні деп жарияланды
Бостандық ауданы
әкімінің аппараты
Алматы қаласы Бостандық ауданы әкімі
аппаратының интернет-ресурсына қош келдіңіздер!
Оқиғалар ОҚИҒАЛАР

27.02.2020

Алматыда Абайдың поэзиясы мен музыкасына арналған кеш өтті


Алматыда Республика сарайында Абайдың 175 жылдығына арналған поэзия және музыка кеші өтті.

 

Салтанатты шараға қала әкімі Бақытжан Сағынтаев, зиялы қауым өкілдері, мәдениет қайраткерлері қатысты.
 Мәдени кеш көрерменге Абайдың Абай болып қалыптасу, даму кезеңдері көрсетілді. «Әлем есігі» прологынан бастау алған іс-шара жыл мезгілдеріне арналған өлеңдермен, ал балалардың биі күйдің сүйемелдеуімен орындалды.

 

Сондай-ақ, ақындық-музыкалық, хореографиялық қойылымдар, соның ішінде Абайдың махаббат лирикасы, табиғат сұлулығына арналған қойылымдары ұсынылды. Бұған дейін тек домбырада орындалып келген «Сегіз аяқ» әнін Нұржан Жанпейісов, Ерлан Рысқали және Тілек Базаров эстрада-симфониялық оркестрінің сүйемелдеуімен шырқады.

 

Кешке келген көрермен Абайдың «Көзімнің қарасы» әнін орындап, ақынның өлеңдерін жатқа айтты.

Ұйымдастырушылардың айтуынша, эссе-кештің мақсаты — Абайдың мол мұрасын насихаттауға ерекше рең беру. Осы орайда поэзия мен музыка кешінде ойшылдың ілімі жаңа сипатта асқақтатылды.


 

27.02.2020