Бостандық ауданы
әкімінің аппараты
Алматы қаласы Бостандық ауданы әкімі
аппаратының интернет-ресурсына қош келдіңіздер!
Оқиғалар ОҚИҒАЛАР

18.01.2018

Алматыда Евро-5 стандартындағы тағы 12 автобус жолға шықты


  Бұрын осы бағыттағы автобустар ескі болғандықтан жолаушылар тарапынан жиі сынға ұшырайтын. Бүгіннен бастап «Қазақфильм» және Қонаев көшесі, Райымбек даңғылы бойынша күн сайын 12 автобус қатынайды, интервалы - алты минут. 

Төмен еденді, ұзындығы 9,5 метрлік  автобустар видеобақылау камераларымен, кондиционерлермен, пандустармен және жайлылық үшін қажетті тағы басқаларымен жабдықталған. Болжам бойынша, бұл бағыттағы жолаушы  легі 7-ден 9,5 мың адамға дейін артады деп күтілуде.

Бұған дейін Алматыда №22, 70, 86, 65, 103, 50, 126, 112 бағыттары бойынша жаңа  автобустар жолға шыққан еді. Сондай-ақ №77 бағыт қайта  жаңарып, №201 магистральды бағыт және №1 бағыт ашылды. 

Көрші облыстан қалаға қосылған елді мекендерді жолаушылар көлігімен толық қамту үшін қосымша 10 бағыт ашылды. Жалпы, көлікті реформалау аясында Алматыда сыйымдылығы әртүрлі 388 автобус алынған еді. Олардың 230-ы жолда жүр, 160 жаңа автобус ақпан айының соңына дейін кезеңмен бағыттарға шығады. Жеке тасымалдаушылар да 254 жаңа автобус алды, олардың 91-і  қала жолдарында қызмет көрсетуде.


  inform.kz  

18.01.2018