2019 жылдың 28 желтоқсаны Қазақстан Республикасында жалпы ұлттық аза тұту күні деп жарияланды
Бостандық ауданы
әкімінің аппараты
Алматы қаласы Бостандық ауданы әкімі
аппаратының интернет-ресурсына қош келдіңіздер!
Оқиғалар ОҚИҒАЛАР

14.04.2020

Алматыда қозғалысты жүйелейтін портал іске қосылады


Алматыда төтенше жағдай кезінде жұмыс істейтін кәсіпорын қызметкерлеріне қалада жүруге рұқсат беретін жаңа портал іске қосылады. Бұл туралы қала әкімінің орынбасары Сапарбек Тұяқбаев брифингі барысында мәлім етті.

Оның айтуынша, сайт 14 сәуірде іске қосылады. «Мегополистегі қозғалысты жүйелендіру үшін жедел штабтың шешімімен жаңа порталды іске қосамыз. Ертеңнен бастап кәсіпкерлерден ұсыныстар қабылданады. Негізі бұл портал жүйелі түрде біздің деректер қорына ақпарат жинайды. Бұған дейінгі деректер қорынан біраз адамдардың негісіз рұқсат алғаны анықталды. Сондықтан оны қайта жүйлендіруге тура келді»,– дейді Сапарбек Тұяқбаев.

Оның айтуынша, порталдың ерекшелігі әрбір кәсіпкер ешқандай адамның қатысуынсыз-ақ электрондық цифрлық қолтаңба арқылы ұсыныс бере алады. «Ол жерде кәсіпкер өз жұмысшыларының және автокөліктердің тізімін ұсынады. Егер ол ақпарат рұқсат етілмеген салада болса, портал оны өткізбейді. Бұл оның басты ерекшелігі және бәрі ешбір адамның қатысуынысыз жасалады.

Егер кәсіпкер Мемлекеттік кірістер департаменті және басқа да мемлекеттік органдарға берген есептерінде көрсетілген қызметкерлерден саны көп болса оған шектеу қойылып, өткізбей қояды», –деп толықтырды Алматы қаласы әкімінің орынбасары.

Сондай-ақ, ол бұл шараның барлығы коронавирустың халық арасына таралуына жол бермеу тұрғысында адамдардың жүрісін шектеуге бағытталғанын атап өтті.




 

14.04.2020